Poida que ningún autor soubese falar da súa vida como o fixo Raymond Briggs. E a súa vida, el sabíao, era imposible de contar sen a dos seus pais. Esta biografía emotiva, con toques de inxenuidade e candidez xeniais, percorre a historia do matrimonio Briggs, desde que se saúdan por primeira vez a través dunha xanela ata o seu falecemento. Pero é tamén a historia dunha xeración, a que viviu a Segunda Guerra Mundial e temeu o avance fascista; a que viu nacer o estado de benestar e tivo que inventarlle un oco ao televisor na súa sala de estar.
Un libro marabilloso sobre o amor e a busca da prosperidade; e a homenaxe máis fermosa, máis conmovedora, dun fillo aos seus pais.